Step 1 — Open Application Page
Sab se pehle neeche diye gaye link per jae:
https://nts.org.pk/Test&Products/Announced/05_26/EPI_May2026_Online/index.php
Is link se application form ka page khul jaega.
Step 2 — Sign Up
First page ke left column me Signup ka option hoga.
Apna CNIC number likhein aur 2nd row me dubara CNIC number enter karein.
3rd option me desired post select karein jahan Vaccinator ka option ayega.
Uske baad password ka pucha jaega. Aesa password dein jo hamesha apko yad rahe.
Apki ID ban jaegi. Ab jab bhi ap dubara is page per aenge to direct login kiya karein.
Step 3 — Login
Login wale column me ap se CNIC number aur password manga jaega.
Wahi password enter karein jo signup karte waqt dala tha.
Step 4 — Instructions Page
Next page per apko instructions show hongi.
Box per tick karein aur Continue button per click karein.
Step 5 — Form Filling
Next page me apke samne complete application form khul jaega.
Desired Test City: Jis city me ap test dena chahte hain usko select karein.
Apna naam, father name aur baki personal details fill karein. CNIC number pehle se likha hua hoga.
Gender, religion aur date of birth mention karein.
Email address wahi likhein jo apke use me ho.
District select karne ke baad apke district ke taluka show honge. Uske neche UC me wo UCs show hongi jahan vacancies available hain.
Postal city aur complete postal address sahi tarike se likhein.
Mobile number wahi dein jo converted na ho.
Phone number dena lazmi nahi hai.
Agar ap disabled hain to Yes select karein, warna No.
Upload Photograph per click kar ke apni picture upload karein.
HSSC aur Graduation details optional hain. Agar qualification hai to fill karein warna chor dein.
Experience details bhi optional hain.
Last me pucha jaega ke ap government servant hain ya nahi. Uske mutabiq Yes ya No select karein.
Step 6 — Fee Payment
Submit per click karne ke baad apka form printed form ki shakal me show ho jaega.
Iske last me voucher hoga.
Ye voucher ap kisi bhi bank, Easypaisa shop ya JazzCash shop me jama kara sakte hain.
Agar apke pas Easypaisa, JazzCash ya banking app hai to online payment bhi kar sakte hain.
Apna banking app open karein aur 1Link / 1Bill Invoice option search karein.
Voucher ka invoice number enter karein. Invoice number enter karte hi apka naam aur Rs. 510 fee show ho jaegi.
Payment karne ke baad screenshot save kar lein.